O 7 de febreiro, o auditorio da Facultade de Ciencias da Comunicación, en Santiago de Compostela, acollerá a “I Xornada de Comunicación e Saúde” organizada pola USC e patrocinada por Janssen.
Nela abordarase o tratamento da saúde desde o punto de vista informativo e xornalístico, falando da barreira das palabras á hora de falar de saúde, a multiplicidade do discurso da saúde, a sanidade pública e a crise como comunicación natural, a construción do modelo afectivo-efectivo entre todos os interlocutores en sanidade, o papel das asociacións de pacientes na toma de decisións de sanidade e a participación destas cos medios e as institucións.
Entre os conferenciantes intervirán diversos profesionais de medios de comunicación galegos, docentes do campo do xornalismo, profesionais da comunicación en hospitais galegos, representantes de Janssen e representantes de asociacións de pacientes.
A xornada desenvolverase de 9:30 a 13:00 e poderá ser seguida por streaming. Para máis información, pódese consultar a web www.comunicacionesaude.com.
