A asociación Lenda de saúde mental organiza un taller baixo o nome “Obradoiro de Promoción da Saúde Mental para Coidadoras e Coidadores”, cuxo obxectivo é sensibilizar sobre a importancia de non descoidar a saúde mental de aqueles que se encargan de atender ás persoas dependentes.
O taller terá lugar os martes 8, 15, 22 e 29 de maio en horario de 17:30 a 19:00 e realizarase no Centro de Rehabilitación Lenda en Redondela, situado na Rúa Reveriano Soutullo, 57.
Estará impartido por profesionais da asociación e hai un total de 15 prazas por grupo. As persoas que queiran inscribirse ou desexen coñecer máis información, poden chamar ao 986 404 200 ou enviar un email a asoclenda@gmail.com.
