O sábado 17 de abril comeza a nosa axenda lucense coa visita a Avifauna, un parque zoolóxico de aves no que se albergan máis de 200 especies procedentes dos 5 continentes. Os usuarios poderán disfrutar dun percorrido por un coidadoso xardín botánico no que poderán observar a riqueza e variedade das diversas aves, repartidas en 76 recintos adaptados ás especies que alberga cada un. As persoas que participen nesta actividade deberán estar ás 17:00 en Outeiro de Rei.
Para cambiar de ambiente e achegarse de novo ós deportes, o sábado 24 os membros do Club de Ocio de FEAFES Lugo acudirán á súa cita co C.D. Lugo. Desta vez disfrutarán dun encontro entre o club lucense e o C.F. Alcorcón, partido que terá lugar no Estadio Anxo Carro ás 16:00.
