O plan para este mes comeza o mércores 11 de febreiro, día no que os membros do Club de Ocio daranse cita para disfrutar dunha quedada de tapeo. O lugar de encontro serán as oficinas de FEAFES Lugo (Ronda de Fingoi nº 109) onde os usuarios deberán estar ás 17:00.
A festa continúa o sábado 14 de febreiro, xornada reservada para celebrar a festa máis divertida do mes: o Entroido! Os usuarios que queiran participar nesta actividade deberán ir disfrazados, e atoparanse ás 17:30 na Praza de Armanyá para gozar dunha tarde de feira e troula.
E por se fose pouco, os plans prolónganse ata o xoves 26 de febreiro. Ás 19:30, o Pazo de San Marcos acollerá un concerto de Caxade que non queremos perder, así que ata alí nos desprazaremos para disfrutar da música elegante e sinxela desta banda.
