José Luis Muruzábal Arlegui, presidente da Asociación Pro Enfermos Mentais da Coruña (APEM), faleceu a pasada madrugada a causa dunha longa enfermidade. Ademais de ser a cabeza visible de APEM durante dúas décadas, Muruzábal era coñecido polo seu traballo de avogado e por ser un destacado sindicalista.
Feafes Galicia e todo o movemento asociativo de saúde mental galego quere expresar o seu máis sincero pésame á súa familia e achegados. O seu recordo é para nós unha motivación para seguir loitando polos dereitos do noso colectivo, como fixo el con enerxía e brillantez durante todos estes anos.
