Feafes Galicia necesita voluntarios que queiran colaborar coa nosa entidade na cidade de Vigo. Buscamos persoas de todas as idades, residentes na cidade olívica ou arredores, dinámicas e sociables. Preferiblemente, con formación académica no campo social.
Entre as súas funcións estará a dinamización e acompañamento en actividades de ocio e tempo libre con persoas con enfermidade mental, acompañamento para realización de xestións, apoio na busca de emprego e participación en xornadas e actos de sensibilización.
Estas tarefas de voluntariado requiren un compromiso continuado, cunha dedicación de entre 4 e 16 horas mensuais, principalmente en horario de fin de semana. As persoas interesadas, poden enviar o seu curriculum vitae a feafesvigo@feafesgalicia.org.
