Feafes Galicia impartirá o 25 de abril un Curso de Manipulador de Alimentos a un total de 20 demandantes de emprego. Trátase de usuarios da área de Vigo do Servizo de Inserción Laboral da federación e que participan no Programa Integrado.
A actividade formativa celebrarase entre as 16 e as 19 horas nas Aulas de Fundación Radio Ecca, situada na Rúa Velázquez Moreno de Vigo.
Neste curso, os participantes coñecerán a orixe da contaminación e os alimentos e os riscos asociados a eles, á vez que se lles ensinarán as medidas preventivas que han de tomar. En concreto, estudarán a hixiene nas materias primas, no proceso de elaboración de comidas e nas instalacións, así como a lexislación alimentaria.
