Feafes Galicia participará este mércores, 11 de abril, na charla-coloquio “A acción socioeducativa en Santiago”, que organiza a Asociación Estudiantil San Clemente. Nesta actividade tamén participarán as asociacións Aspas, Cruz Vermella, Cogami, Implicadas e Vagalume.
A charla terá lugar no salón de acto do C.M.U. San Clemente, no Campus Sur, a partir das 21.30 horas. Trátase dunha actividade aberta a todos os públicos e de carácter gratuíto.
No acto, cada organización presentará brevemente a súa entidade e os seus programas. No caso de Feafes Galicia, intervirá a psicóloga da federación. Posteriormente, realizarase unha charla coloquio cos asistentes.
