A Facultade de Ciencias do Traballo de Ferrol baixo a dirección da docente e investigadora Mª Dolores Sánchez Fernández acollerá os próximos días 5, 6 e 7 de febreiro de 2013 as II Xornadas Iberoamericanas RRHH e RSC na Universidade da Coruña.
Feafes Galicia estará presente nas devanditas xornadas, xa que o vestíbulo da Facultade acollerá unha actividade paralela o día 7 entre as 18 e as 20 horas. En concreto, haberá unha exposición de comunicacións tipo póster titulada “Asociaciones, fundacións, ONGs e empresas: ámbito, sociedade e universidade”.
Así pois, os asistentes ás xornadas pódense achegar ata o posto de Feafes Galicia para recibir información sobre a Federación e resolver todas as súas dúbidas sobre saúde mental. Así mesmo, tamén estará presente a asociación de Familiares e Amigos de Enfermos Mentais Afaes Portanova, con sede en Ferrol.
