Skip to main content
Novas

Feafes Galicia participa no calendario ‘Xuntos Podemos’

By 22 de Decembro de 2011Novembro 13th, 2022No Comments

Feafes Galicia participa este ano no calendario solidario ‘Xuntos Podemos’, con outras 11 entidades non lucrativas e en colaboración co equipo de baloncesto C.A.B. Obradoiro. Cada mes do almanaque está dedicado a unha asociación e está ilustrado cunha imaxe dun dos xogadores do combinado santiagués.

No caso de Feafes Galicia, aparece no mes de setembro xunto ao capitán do clube, o arxentino Tuky Bulfoni. As persoas interesadas en adquirir un dos calendarios, que se venden a 5 euros, poden poñerse en contacto con Feafes a través do teléfono 981 554 395.

O almanaque foi realizado baixo a dirección artística do creativo Miguel Conde e con fotografías de Jacobo Gayo. Os fondos recaudados repartiranse entre Feafes Galicia, Xuntos Podemos e as outras entidades participantes: Mans Unidas, a residencia San Marcos, o albergue San Francisco, a Fundación Andrea, a Escola Camilo José Cela, Mi Perú, Vagalume, a Cociña Económica, o Banco de Alimentos e a Fundación Down Compostela.