Skip to main content
Novas

Feafes Galicia reúnese co Valedor do Pobo

By 24 de Outubro de 2012Novembro 13th, 2022No Comments

O Valedor do Pobo en funcións, José Julio Fernández Rodríguez, reúnese o 24 de outubro na sede da institución con representantes de Federación de Asociacións de Familiares e Persoas con Enfermidade Mental de Galicia. En concreto, co presidente, Xosé Ramón Girón, e co director, Antonio Hernández.

O encontro enmárcase na serie de contactos que o titular da defensoría vén mantendo con organizacións sen ánimo de lucro que representan e apoian a diferentes colectivos. Con estas reunións o Valedor quere manterse en contacto coas persoas que padecen con especial virulencia as consecuencias da crise económica.

Ata o momento o Valedor coñeceu os proxectos desenvolvidos por Down Galicia, Vagalume e Cáritas de toda a comunidade autónoma.

Pola súa banda, os representantes de Feafes Galicia queren impulsar a defensa dos dereitos das persoas con enfermidade mental de Galicia e solicitar ao Valedor que se faga un informe sobre a situación de vulneración deste colectivo.