O pasado 16 de abril, finalizou a acción formativa do Certificado de Profesionalidade “COMT0211 – Actividades auxiliares de comercio” impartido na Coruña no marco do Programa Integrado de Emprego FEAFES 2020/21. Este curso, no que participaron 15 persoas, capacitou ás persoas asistentes para traballar no sector do comercio e en establecementos comerciais.
O curso estivo impartido pola formadora Mercedes Ramos, co apoio das técnicas responsables do programa Integrado na Coruña, e contou cunha proposta formativa de carácter moi práctico en todos os seus módulos.
A formación tivo unha duración de 3 meses e rematou coa realización de 40 horas de prácticas non laborais. Durante este tempo, as persoas participantes capacitáronse para traballar no comercio maiorista e minorista, en supermercados, grandes superficies comerciais e centros de distribución comercial, podendo acceder a postos de traballo como repoñedor/a, repartidor/a de proximidade a pé, embalador/a, empaquetador/a, preparador/a de pedidos ou auxiliar de comercio.
Un programa para o fomento do emprego
O Programa Integrado de Emprego de Saúde Mental FEAFES Galicia 2020/21, financiado pola Xunta de Galicia e o Servicio Público de Empleo Estatal, busca mellorar a empregabilidade e aumentar as posibilidades de acceso ao mercado laboral das persoas participantes, co obxectivo de que a lo menos o 36% delas logren acceder a un emprego.
Actualmente estase a desenvolver nas delegacións de Saúde Mental FEAFES Galicia en A Coruña, Santiago, Lugo, Ourense e Vigo, contando cun total de 100 participantes. Entre as accións que se levan a cabo dentro do programa, realízanse itinerarios personalizados de inserción e diversos obradoiros formativos, ademais de actividades transversais durante todo o proceso como técnicas de coaching, intelixencia emocional e técnicas de motivación para a busca de emprego.
