Cando falamos de terapia ocupacional, referímonos á profesión sanitaria que se enfoca en axudar a persoas con diversidades ou restricións á hora de participar en actividades significativas e funcionais do día a día. Se falamos de terapia ocupacional en saúde mental, referímonos ó enfoque específico que traballa para axudar ás persoas con enfermidades mentais a recuperar o manter a funcionalidade en áreas clave da vida, como o autocoidado, as relacións interpersoais, o traballo e o ocio.
Neste artigo, afondaremos no importante papel que xoga a terapia ocupacional na saúde mental. Somerxerémonos nunha viaxe para comprender como esta disciplina promove a recuperación, a independencia e a calidade de vida das persoas.
Terapia ocupacional e saúde mental: a súa conexión
A terapia ocupacional en saúde mental é unha rama da terapia ocupacional especializada en axudar ás persoas que padecen problemas de saúde mental.
Os trastornos ou enfermidades mentais caracterízanse pola alteración do estado cognitivo, a regulación emocional ou do comportamento. Deste modo, as áreas funcionais (social, laboral, educativa) das persoas que as padecen, vense directamente afectadas.
Como consecuencia dos síntomas básicos da súa enfermidade, as persoas con problemas de saúde mental afrontan unha serie de dificultades á hora de enfrontar situacións e actividades básicas. Estas poden ser:
- Actividades domésticas, laborais ou de ocio.
- Os autocoidados, como a hixiene ou a imaxe persoal.
- A autonomía persoal á hora de realizar actividades como vestirse ou lavarse.
- O control da conduta e o desenvolvemento de habilidades sociolaborais axeitadas.
- A propia motivación á hora de realizar calquera tipo de actividade.
Neste contexto, o obxectivo da terapia ocupacional é promover a saúde mental e o benestar emocional a través da participación activa nas actividades da vida cotiá.
Beneficios da terapia ocupacional en saúde mental
Máis aló do tratamento dos síntomas derivados dos trastornos e enfermidades mentais, son moitos os beneficios que ofrece a terapia ocupacional en saúde mental.
Esta profesión é esencial á hora de reeducar e rehabilitar a independencia e a autonomía no desenvolvemento das actividades básicas e da vida diaria das persoas.
Desenvolvemento de habilidades funcionais
A terapia ocupacional axuda ás persoas con enfermidades mentais, e á xente en xeral, a desenvolver e mellorar habilidades prácticas para a vida diaria. Estas refírense ó autocoidado, a xestión do fogar ou á participación en actividades laborais e recreativas.
Estas técnicas axudan ás persoas a funcionar de xeito máis independente e satisfactorio no seu entorno.
Promoción da autonomía
A través do adestramento en habilidades prácticas e o desenvolvemento das estratexias de afrontamento, os terapeutas ocupacionais axudan ás persoas a promover a súa autonomía persoal.
Isto axúdalles a tomar decisións informadas e a involucrarse activamente no seu propio coidado e vida diaria.
Redución do estrés e a ansiedade
A incorporación de técnicas e actividades terapéuticas, axuda a manexar e reducir os niveles de estrés e ansiedade.
Isto promove un estado de calma e contribúe a unha mellor saúde mental.
Mellora da autoestima, confianza e motivación
Cando as persoas participantes van acadando as súas propias metas persoais e comezan a recoñecer as súas propias habilidades e logros, é cando empezan a mellorar a súa autoestima e confianza en si mesmas.
Ó involucrar ás persoas en actividades significativas e gratificantes, a terapia ocupacional aumenta a motivación e o interese en participar na vida diaria. E todo isto contribúe a lograr unha maior satisfacción persoa.
Fomento e desenvolvemento de habilidades sociais
A terapia ocupacional traballa no desenvolvemento de habilidades sociais e estratexias de comunicación, así como na mellora das relacións interpersoais.
A miúdo, fano a través da participación en actividades grupais que facilitan a interacción social e o establecemento de relacións significativas coas demais persoas.
Estimulación cognitiva
As actividades deseñadas para desafiar e estimular o funcionamento cognitivo axudan a mellorar a memoria, a atención, a concentración e outras habilidades mentais, o que promove un maior nivel de funcionamento cognitivo en xeral.
Redución del risco de recaída
A terapia ocupacional proporciona ferramentas e estratexias para manexar os desafíos da vida diaria, o que pode axudar a previr recaídas en persoas con enfermidades mentais.
Isto conségueo mediante a aprendizaxe de habilidades de afrontamento e a identificación de factores desencadeantes de recaídas, promovendo así unha recuperación sostida e duradeira.
Reintegración laboral e comunitaria
A terapia ocupacional traballa coas persoas para identificar oportunidades de emprego e participación comunitaria, proporcionando apoio e adestramento para facilitar unha exitosa reintegración no traballo e a comunidade.
En resumo, podemos concluír que a terapia ocupacional resulta esencial na promoción da saúde mental e o benestar das persoas.
Os beneficios da terapia ocupacional en saúde mental son moitos. Se queres saber máis sobre saúde mental, non dubides en contactar co noso equipo, axudarémosche a resolver calquera dúbida.
