Skip to main content
search
Novas

Xa podes apuntarte ao programa Fórmate na Empresa 2026

12 persoas de entre 18 e 29 anos de idade e cun diagnóstico de saúde mental poderán participar no programa Fórmate na Empresa 2026 impulsado pola Consellería de Cultura, Lingua e Xuventude.

Saúde Mental FEAFES Galicia participa no programa Fórmate na Empresa 2026, impulsado pola Consellería de Cultura, Lingua e Xuventude da Xunta de Galicia.  No marco deste programa, 12 persoas de entre 18 e 29 anos poderán realizar estadías formativas en empresas ou entidades públicas ou privadas, vencelladas a sectores económicos estratéxicos de Galicia.

A finalidade é reforzar a empregabilidade e as habilidades e competencias profesionais das persoas mozas inscritas no Sistema Nacional de Garantía Xuvenil (SNGX), non ocupadas e non integradas no sistema de educación ou formación. Búscase así contribuír á mellora da súa formación mediante a adquisición de experiencia profesional para a súa incorporación ao mercado de traballo.

Entre os obxectivos do programa están:

  • Potenciar os programas de educación non formal nos que as persoas mozas adquiran os coñecementos e habilidades máis demandados no contexto laboral actual.
  • Achegar ás persoas mozas á realidade empresarial e mellorar a súa autonomía persoal.
  • Crear un ecosistema favorable á creación de oportunidades de emprego xuvenil.
  • Favorecer a captación e retención de talento en sectores económicos clave para a economía galega.

Requisitos das persoas mozas participantes neste programa

Para participar neste programa é necesario que as persoas interesadas teñan feitos os 18 anos e non superen a ideade máxima establecida na normativa vixente do Sistema Nacional de Garantía Xuvenil (de conformidade co disposto no artigo 97.c) da Lei 18/2014 do 15 de outubro de aprobación de medidas urxentes para o crecemento, a competitividade e a eficiencia). Ademais, deben ter recoñecido un diagnóstico de saúde mental, estar empadroadas na Comunidade Autónoma de Galicia cunha antigüidade mínima dun ano, e estar inscritas no Sistema Nacional de Garantía Xuvenil e figurar como persoas beneficiarias no ámbito da Comunidade Autónoma de Galicia.

 

Condicións e beneficios do programa

As persoas participantes percibirián unha bolsa de formación cun importe de 690,67€ mensuais, incrementeada en 100€ no caso das persoas con discapacidade, e outros 100€ para desprazamentos cando a estadía non sexa no concello de residencia da persoa participante.

Ademais, recibirán unha formación complementaria, cun mínimo de 20h lectivas e apoio e titorización durante as estadías.

As horas formativas nas entidades ou empresas nas que se realizan as estadías terán unha duración mínima de 100h mensuais durante tres meses consecutivos e un mínimo de catro días semanais.

 

Postos ofertados

 12 prazas ofertadas en Vigo, Pontevedra, A Coruña, Lugo, Ourense e Santiago de Compostela, distribuídas nos seguintes sectores estratéxicos:

  • 3 en agroalimentación
  • 2 en textil/moda
  • 5 en calidade de vida e benestar
  • 2 en tecnoloxías da información e da comunicación
  • 1 en madeira/forestal

As estadías formativas realizaranse nas seguintes empresas:

En Vigo/Pontevedra:

  • Atendo Calidade SL. Calidade e Benestar. Vigo
  • Freshcut SL. Agroalimentación. Vigo

Na Coruña / Santiago de Compostela:

  • Andaina Prosaúde Mental Emprego SLU. Agroalimentación. Dodro, A Coruña
  • Andaina Prosaúde Mental. Calidade de vida e benestar. Ordes, A Coruña
  • Clece SA, Samaín e Integra CEE. Calidade e benestar. A Coruña e Oleiros
  • Insertega. Textil/moda. Arteixo, A Coruña
  • Grupo Mencer. Agroalimentación. Bergondo, A Coruña

En Lugo:

  • Extel Facilities SL.Tecnoloxías de información e da comunicación. Outeiro de Rei, Lugo
  • Reganet Networks SL. Tecnoloxías de información e da comunicación. Cervo, Lugo

En Ourense:

  • Jardinería Integral Miguel Ángel Gullón Estévez. Madeira/Forestal. Ourense
  • Oruantex SL. Textil/moda. Ourense
  • Residencia Rectoral Rebollo SL. Calidade de vida e benestar. Toén, Ourense

As persoas interesadas que cumpran os requisitos poderán presentar as súas candidaturas desde o 23 de abril e ata o 14 de maio. Para iso deberán cubrir este formulario.

Tamén poderán falar coa delegación correspondente a través dos seguintes contactos:

 

Máis información sobre o programa aquí https://xuventude.xunta.gal/gl/programas-c/formate-na-empresa .

O programa Fórmate na Empresa está cofinanciado pola Xunta de Galicia (Consellería de Cultura, Lingua e Xuventude) e pola Unión Europea a través do programa FSE+ Galicia 2021-2027