Feafes Galicia está a levar a cabo o Proxecto Orla, incluído dentro dos «Programas Integrados de Emprego», desenvoltos pola Consellería de Traballo e Benestar, e que vai permitir formar a 60 persoas con enfermidade mental.
Esta iniciativa vai dirixida a persoas desempregadas, preferentemente perceptoras de prestacións ou subsidios por desemprego e pertencentes aos colectivos sinalados como prioritarios na definición anual do Plan de acción para o emprego.
As actividades estanse a desenvolver nas catro provincias galegas con 15 participante en cada unha delas e o obxectivo é acadar a inserción laboral dos demandantes que participen no proxecto.
A semana pasada deron comezo as accións formativas co curso de «Motivación e Técnicas de Búsqueda de Emprego» nas cidades de Vigo, Santiago, Lugo e Ourense. Ademais de formación, o programa inclúe intermediación laboral e apoio e seguimento individualizado no posto.
Un dos aspectos novidosos do proxecto é que porá a diposición dos participantes o cheque de inserción laboral, que permitirá acceder a formación privada, financiar prácticas non laborais en empresas ou sufragar formación complementaria que posibilite aumentar a súa empregabilidade.
