O 12 de agosto, as instalacións da EGAP en Santiago de Compostela (Rúa de Madrid nº2-4) acollerán un curso sobre sexualidade dirixido a persoas con problemas de saúde mental. A acción formativa terá lugar entre as 12:00 e as 14:00 e estará impartida por profesionais de Quérote+.
Os asistentes ao curso aprenderán cuestións xenéricas sobre sexualidade e poderán desmitificar certos temas tabús relacionados co sexo. Falarase da importancia de empregar métodos anticonceptivos ao ter relacións sexuais e informarase acerca da prevención de enfermidades de transmisión sexual e de embarazos non desexados. Igualmente, o curso abordará o tema da orientación sexual e os acordos sexuais entre a parella.
Neste taller participarán 25 usuarios e usuarias de FEAFES Galicia, que deberán estar ás 11:45 na porta principal do Centro Comercial Área Central.
